მისაღები ოთახი სახლის მთავარი სივრცეა: აქ ხვდებით სტუმრებს და ისვენებთ ოჯახთან ერთად. სწორად შერჩეული შპალერი ოთახს ხასიათს აძლევს და ავეჯსაც ლამაზად წარმოაჩენს.
1. დაიწყეთ ავეჯის სტილით
კლასიკურ ავეჯს უხდება დამასკი, მონოგრამა და ორნამენტი — ნახეთ კლასიკური შპალერი. თანამედროვე ინტერიერში კარგად გამოიყურება აბსტრაქტული ნახატი, გეომეტრიული ფორმები და ბეტონის ეფექტი — თანამედროვე და გეომეტრიული შპალერი. მინიმალისტურ ოთახს კი სადა ან მსუბუქი ტექსტურის შპალერი უხდება.
2. აქცენტის კედელი
მისაღებში აქცენტისთვის საუკეთესო ადგილია დივნის ან ტელევიზორის უკან მდებარე კედელი. ამ კედელზე შეგიძლიათ უფრო მუქი, თამამი ან მსხვილნახატიანი შპალერი გააკრათ, დანარჩენ კედლებზე კი — მშვიდი, სადა. ასე ოთახი თანამედროვე და დაბალანსებული ჩანს. ფოტოზე სწორედ ასეთი მაგალითია: ლურჯი აქცენტის კედელი დივნის უკან.
3. როგორ შევარჩიოთ ფერი
მარტივი წესი: შპალერის ფერმა ავეჯის ან ტექსტილის ერთ-ერთი ფერი გაიმეოროს. ნაცრისფერ დივანს კარგად უხდება ნაცრისფერი, ლურჯი ან ბეჟი შპალერი, ხის თბილ ავეჯს კი — ყავისფერი და ოქროსფერი ტონები.
4. დიდი და პატარა მისაღები
ფართო და კარგად განათებულ მისაღებში თამამად გამოიყენეთ მსხვილი ნახატი და მუქი ფერი — ოთახი უფრო მყუდრო გახდება. პატარა მისაღებში კი ღია ფერები და წვრილი ნახატი ჯობია: სივრცე უფრო დიდი გეჩვენებათ. ამის შესახებ დაწვრილებით წაიკითხეთ სტატიაში როგორ გავადიდოთ პატარა ოთახი შპალერით.
5. ტექსტურა და განათება
ტექსტურიანი შპალერი საღამოს, ლამპების შუქზე, განსაკუთრებით ლამაზად ჩანს: შუქ-ჩრდილი კედელს სიღრმეს აძლევს. ნახეთ ტექსტურიანი შპალერი.
ფოტოზე: შპალერი 85-AR-12-4.